Pazo de Esperante(Quembre)

O Pazo de Esperante está situado no concello de Carral, na parroquia de Quembre no lugar de Esperante. Está separado de Cerceda polo monte Xalo e goza dun aire rústico. Trátase dun volume  paralelepípedo disposto en dúas plantas. Na mesma propiedade engádense dous edificios con función de hórreo-cocheira, e unha casa de pedra recén restaurada que era onde vivían os que coidaban tanto o pazo como os que se encargaban da xardinería ou dos traballos que tiveran que facer. Os materiais empregados son pedra de cachotería e a tella árabe  do tellado. A destacar tamén os escudos que se atopan na entrada do pazo, a ambos os lados do portal, e un fermoso xardín que conta con numerosas árbores e plantas,así como dunha piscina. Todo o pazo está rodeado por unha muralla de pedra. Cerca do pazo atópase tamén a igrexa de San Pedro de Quembre, do s.XIX con planta de cruz latina e dúas capelas laterais. O Pazo de Esperante atópase nun perfecto estado de conservación, ao igual que o seu xardin

Imaxe do pazo tomada por Gabriela Louro

.

A situación de Carral

Carral é un concello que se atopa a 17km da Coruña. Ten límite con Cambre (norte), Ordes (sur), Abegondo (leste), Cerceda (oeste) e Culleredo (noroeste). Ocupa 4.8km2 e ten unha poboación de 5700 hab. Consta de 8 parroquias: San Martiño de Tabeaio, San Vicente de Vigo, Santa Mariña de Beira, San Xián de Sergude, San Pedro de Quembre, San Estevo de Paleo, Santiago de Sumio e Santa Baia de Cañás.
Os principais ríos de Carral son o Barcés e o Brexa, que son afluentes do río Mero. O Brexa pasa polo concello en direccion noroeste-nordeste, formando o val entre Tabeaio e o núcleo de Carral. O Barcés transcorre diagonalmente polo municipio. Algúns lugares do río serven como límite con Abegondo. O principal val é o de Barcia, de gran riqueza agrícola. As principais montañas son: Monte Xalo (459m), San Bartolomeu (As Travesas (458m)e o Montecastro de Ameás (210m).

Ruta polo muíño de Santiago de Sumio

O muíño de Santiago de Sumio está no lugar coñecido como Preto de Galgáns.

É unha pequena construción  de planta rectangular, ten dúas plantas; á inferior accédese por unha escsleira de pedra que está enfronte da porta e a superior utilizábase como almacén.

Toponimia Carral

Carral é un municipio que se atopa situado no sur da Comarca das Mariñas  , provincia da Coruña  limitada á súa vez polo sur con con Ordes.

http://maps.google.es/maps?hl=gl&q=carral&ie=UTF8&hq=&hnear=Carral,+A+Coru%C3%B1a,+Galicia&gl=es&ei=DJ0YTLGRA46v4QaK6rDWCw&ved=0CAsQ8gEwAA&z=12

Tamén hai máis lugares que teñen este nome e non teñen que ver co Carral de aquí, por exemplo Carral está situado no concello de Valderrey (León), e Carral Sobrado, ou  de Arzúa ou no Val do Duvra. Tamén hai comercios e apelidos que o levan, como por exemplo Tomás Gomez Carral.

Manuel Ferrol en Carral

O fotógrafo e reporteiro galego,recibiu moitos recoñecementos polo seu labor,entre eles,hai unha rúa no Concello de Carral que adoita o seu nome.

http://www.manuelferrol.com/images/stories/manuel.jpg

Martires de Carral

No século XIX produciuse  O Fusilamento dos Mártires de Carral:

O acontecemento máis importante da historia moderna de Carral foi que a nosa vila foi o escenario da morte do coronel Solís e dos militares que o acompañaron no levantamento contra o presidente Narváez.

Este alzamento comezou na cidade de Lugo o día 2 de abril de 1846, cando Miguel Solís e Cuetos, disolveu o Consello Provincial e a Deputación, proclamando unha Xunta de Goberno de Galicia en contra do Goberno de Isabel II, que estaba presidido por Narváez. Pretendía con iso reivindica-la liberdade rexional de Galicia.

O 26 de abril,  nun xuízo sumarísimo foi condenado a morte en Carral. Este xuízo non foi celebrado en Santiago ou na Coruña por medo ós simpatizantes do coronel que había nestas cidades. (Para máis información)

http://www.galiciaespallada.com.ar/historia_carral.htm

Imaxe dun indicador da Ruta dos Mártires, en Carral

Mártires (por xose zapata)

 

Esta película foi creada no ano 2005 por Xose Zapata. Foi premiada no certame Curt Fictions.

Os protagonistas son os actores Xabi Deive, David Lendoiro e Xaquín Dominguez.A historia céntrase na traxedia que de maneira sistemática sofren mozos e mozas galegas nas estradas. Tres mozos beben e falan sobre os seus plans de futuro, sen saber, que un intre despois morreran nun accidente de coche.

A pelicula foi rodada en galego e en localizacións do Concello de Carral.